ലോകത്തിലെ ഏറ്റവും ഭയങ്കരമായ ചാംപ്യൻഷിപ്പുകളിൽ ഒന്നാണ് ഡക്കർ റാലി. അതിൽ വൻ വിജയം സ്വന്തമാക്കിയ ബ്രാൻഡുകളിൽ ഒന്നാണ് കെ ടി എം. അതുകൊണ്ട് തന്നെ ഡക്കറിൻറെ റെപ്ലിക്ക –
മോഡലും കാലങ്ങളായി കെ.ടി.എം നിരയിൽ വില്പനയിലുണ്ട്. 2024 ലും പതിവ് തെറ്റിച്ചില്ല അപ്ഡേഷനുമായി 2025 എഡിഷൻ അവതരിപ്പിച്ചിരിക്കുകയാണ്.
എന്തൊക്കെയാണ് പുത്തൻ മോഡലിന് വിശേഷങ്ങൾ നോക്കാം.
- തല ഉയർത്തി നിൽക്കുന്ന ഒരു കൊമ്പനെ പോലെയാണ് രൂപം
- ഹെഡ്‍ലൈറ്റ് കവിൾ, വിൻഡ് സ്ക്രീൻ എന്നിവ ഒറ്റ കഷ്ണമാണ്, ട്രാൻസ്പെരൻറ്റുമാണ്
- ഇരട്ട ഹെഡ്‍ലൈറ്റ് ഒന്നിന് മുകളിൽ ഒന്നായി വച്ചിരിക്കുന്ന സുസൂക്കിയുടെ പുതിയ ഡിസൈനുമായി ചെറിയ ഛായ വേണമെങ്കിൽ അവകാശപ്പെടാം
- പക്ഷേ പുതിയ യൂണിറ്റ് ഹെഡ്‍ലൈറ്റ് 33% അധികം വെളിച്ചം തരുന്നുണ്ട് എന്നാണ് കെ ടി എം അവകാശപ്പെടുന്നത്
- ഓഫ് റോഡിങ് താരമായതിനാൽ ഹെഡ്‍ലൈറ്റിന് തൊട്ട് താഴെയാണ് മുൻ മഡ്ഗാർഡ്
- ടാങ്കിലേക്ക് ചേർന്ന് കിടക്കുന്ന നാരൗ സീറ്റ്
- പിൻ മഡ്ഗാർഡ് ഉണ്ടോ എന്നാണ് സംശയം
- അതിന് തൊട്ട് താഴെയായി അക്രയുടെ എക്സ്ഹൌസ്റ്റ് എത്തുന്നു
ഇനി താഴോട്ട് നീങ്ങിയാൽ
- ഏത് ട്ടെറൈനിലും ഗ്രിപ്പ് നല്കുന്ന ഓഫ് റോഡ് ടയറുകൾ
- സ്പോക്ഡ് വീൽസ് വിത്ത് അലൂമിനിയം റിംസ്
- ഡബിൾ യൂ പി യുടെ ഫുള്ളി അഡ്ജസ്റ്റബിൾ സസ്പെൻഷൻ, ട്രാവൽ വരുന്നത് 304 // 280 എം എം .
- ബ്രെമ്പോയുടെ സിംഗിൾ ഡിസ്ക് ബ്രേക്കുകൾ
- 10 വർഷമായി കെ ടി എമ്മിൻറെ വിജയകൊടി പറിക്കുന്ന അതേ 449 സിസി, സിംഗിൾ സിലിണ്ടർ എൻജിൻ തന്നെ.
- എന്നാൽ ഇത്തവണ എസ് ഓ എച്ച് സി സിസ്റ്റം, ഫ്യൂൽ ഇൻജെക്ഷൻ, ക്ലച്ച്, ഗിയർബോക്സ് എന്നിവയിൽ മാറ്റം വരുത്തിയിട്ടുണ്ട്
- ഒപ്പം എൻജിൻ തണുപ്പിക്കാനായി രണ്ടു റേഡിയേറ്ററാണ് ഇത്തവണ വന്നിരിക്കുന്നത്
- പവർ, ടോർക് തുടങ്ങിയ കാര്യങ്ങൾ പുറത്ത് വിട്ടിട്ടില്ല
- ഇന്ധനടാങ്ക് വരുന്നത് 35 ലിറ്റർ
ഇതൊക്കെയാണ് പുത്തൻ 450 റാലി റെപ്ലിക്കയുടെ വിശേഷങ്ങൾ. ഇനി വില നോക്കിയാൽ 40,000 യൂ എസ് ഡോളർ ആണ് ഇവൻറെ അമേരിക്കയിലെ വില വരുന്നത്. ആ വിലക്ക് അമേരിക്കയിൽ സൂപ്പർ ഡ്യൂക്ക് –
രണ്ടെണ്ണം വാങ്ങാം. ട്രാക്ക് മോഡലുകൾ പൊതുവെ അങ്ങനെ ആണല്ലോ. ഇന്ത്യയിൽ എത്താൻ വഴിയില്ല. ആകെ 100 യൂണിറ്റ് മാത്രമാണ് അവതരിപ്പിക്കുന്നത്.
Leave a comment