ഹീറോ ബൈക്ക് ൽ നിന്ന് ഒരു മാസ്റ്റർപീസ്

ഇന്ത്യയിലെ എല്ലാ റോഡുകളിലും ഹീറോ ബൈക്ക് കളുടെ ടയർ പതിഞ്ഞിട്ടുണ്ട്. ഈ യാത്ര തുടങ്ങുന്നത് 1984 ൽ ബ്രിജ്‌മോഹൻ ലാൽ മുഞ്ജലിൻറെ കൈ പിടിച്ചാണ്. 2015 ൽ ഹീറോയുടെ ഫൗണ്ടർ ആയ ശ്രീ –

ബ്രിജ്‌മോഹൻ നമ്മളെ വിട്ട് പോയെങ്കിലും, 2023 ൽ അദ്ദേഹത്തിൻറെ ശതാബ്തിയാണ്. ഈ ആഘോഷം ഹീറോ ബൈക്ക് ആഘോഷിക്കുന്നത് ഒരു ലിമിറ്റഡ് എഡിഷൻ മോഡലിലൂടെയാണ്. മാവ്രിക്ക്, എക്സ്ട്രെയിം 125 ആർ –

ഈ വർഷം ജനുവരിയിൽ അവതരിപ്പിച്ചപ്പോൾ. കരിസ്‌മയുടെ സി ഇ 001 എന്ന പേരിൽ ഒരു ലിമിറ്റഡ് എഡിഷൻ പരിചയപ്പെടുത്തിയിരുന്നു. ആ ബൈക്കിനെയാണ് സെൻറ്റെനിയൽ എഡിഷൻ എന്ന പേരിൽ –

എത്തിച്ചിരിക്കുന്നത്. സാധാരണ രീതിയിലുള്ള തട്ടിക്കൂട്ട് ലിമിറ്റഡ് എഡിഷൻ അല്ല വരുന്നത് എന്ന് അന്ന് തന്നെ നമ്മൾ കണ്ടതാണ്. പ്രൊഡക്ഷൻ റെഡി ആയി എത്തിയപ്പോളും അതിൽ ഒരു പണതൂക്കം പോലും കുറവില്ല.

ഇനി സെൻറ്റെനിയൽ എഡിഷൻറെ വിശേഷങ്ങളിലേക്ക് കടക്കാം.

• ഒറ്റ നോട്ടത്തിൽ തന്നെ മനസ്സിലാകും ആൾ കുറച്ചു കുഴപ്പക്കാരൻ ആണെന്ന്, കരിസ്‌മ ആറിൻറെ ഡി എൻ എ പിടിച്ച് സെമി ഫയറിങ് ആണ് ഇവന്
• സെമി ഫയറിങ്ങിൽ സൂപ്പർ താരങ്ങളെ പോലെ വിങ്ലെറ്റ്‌സും നൽകിയിരിക്കുന്നു
• കറുപ്പ്, ചുവപ്പ്, ഗ്രേ എന്നിങ്ങനെ ട്രൈ കളർ കോമ്പിനേഷനിലാണ് ഇവൻറെ സ്യുട്ട്
• എന്നാൽ കറുപ്പിൽ തിളങ്ങുന്നത്തിൽ ഭൂരിഭാഗവും കാർബൺ ഫൈബർ ആണ്
• ഹാൻഡിൽബാർ ക്ലിപ്പ് ഓണിന് പകരം സിംഗിൾ ട്യൂബ് ടൈപ്പ് ആണ്,
• സ്‌പോർട്ടി സ്റ്റൈൽ കൂട്ടുന്നതിനായി ബാർ ഏൻഡ് മിററും എത്തിയിട്ടുണ്ട്
• ടാങ്കിൽ ബ്രിജ്‌മോഹൻ സാറിൻറെ ഫോട്ടോയും കാണാം
• സീറ്റ് സൂപ്പർ ബൈക്കുകളുടേത് പോലെ, ഒരാൾക്ക് മാത്രം ഇരിക്കാവുന്ന തരത്തിലാണ്

മുകളിലെ ഇവനെ പുലിയാക്കിയെങ്കിൽ താഴെ ഇവൻ പുപ്പുലിയാണ്. ഒപ്പം ഭാവിയിൽ എക്സ് എം ആറിൽ വരുന്ന ചില മാറ്റങ്ങളും നമ്മുക്ക് ഇവിടെ കാണാം.

എക്സോട്ടിക്ക് ലിസ്റ്റ് നോക്കാം

• സസ്പെൻഷൻ ഫുള്ളി അഡ്ജസ്റ്റബിൾ ആയ യൂ എസ് ഡി ഫോർക്കും
• പിന്നിൽ മോണോ സസ്പെൻഷനുമാണ്
• സ്വിങ് ആം അലൂമിനിയം കൊണ്ടാണ് നിർമ്മിച്ചിരിക്കുന്നത്.
• പിരെല്ലിയുടെ ടയർ എന്നിങ്ങനെ നീളുന്നു എക്സോട്ടിക്ക് ലിസ്റ്റ്
• ഈ എക്സോട്ടിക്ക് മാറ്റങ്ങൾക്ക് ഭാരത്തിലും 5.5 കെ ജി യുടെ കുറവ് ഉണ്ടാക്കിയിട്ടുണ്ട്

100 യൂണിറ്റുകൾ മാത്രം പ്രൊഡക്ഷൻ ചെയ്യുന്ന ഇവനെ. വിൽക്കുന്നത് ലേലത്തിൽ വച്ചാണ് എന്നാണ് ഹീറോ ഇപ്പോൾ അറിയിച്ചിരിക്കുന്നത്. എന്നാൽ ഈ ലേലത്തിൽ പങ്കെടുക്കാൻ കഴിയുന്നത് –

• ഹീറോ ഹങ്ക് ന് പുതിയ അപ്‌ഡേഷൻ
• ഹീറോയുടെ മാവ്റിക്ക് സ്ക്രമ്ബ്ലെർ വരുന്നു
• ഹീറോ ഹങ്ക് 160 ആർ എസ് അവതരിപ്പിച്ചു

ഹീറോയുടെ ജോലിക്കാർ, ഓഹരി പങ്കാളികൾ, ബിസിനസ്സ് പങ്കാളികൾ എന്നിവർക്ക് മാത്രമാണ്. ലേലം കഴിഞ്ഞ് സെപ്റ്റംബറോടെ ഇവൻ റോഡിൽ എത്തും.

സോഴ്സ്