ഇന്ത്യയിൽ കഴിഞ്ഞ ഓരോ വർഷത്തിന്റെയും തുടക്കത്തിൽ ചോദിക്കുന്ന സ്ഥിരം ചോദ്യമാണ് എക്സ് എസ് ആർ 155 ഇന്ത്യയിൽ എത്തുമോ എന്നുള്ളത്. എന്നാൽ എത്താൻ സാധ്യതയില്ല എന്നതാണ് ഈ വർഷത്തെയും ഉത്തരം. ഈ അടുത്ത് നടത്തിയ യമഹയുടെ മേധാവിയുടെ ഇന്റർവ്യൂവിലും കുറച്ചധികം പ്രതീക്ഷ നൽകുന്ന കാര്യങ്ങൾ പറഞ്ഞെങ്കിലും ഇവനെ കുറിച്ച് ഒരക്ഷരം മിണ്ടിയില്ല.
എന്നാൽ ഇന്റർനാഷണൽ മാർക്കറ്റിൽ ഇവന് വലിയ ജനപ്രീതിയാണ് കിട്ടിവരുന്നത്. റോയൽ എൻഫീൽഡ് മോഡലുകളെ പോലെ മോഡിഫിക്കേഷൻ ഹൌസുകളുടെ ഇഷ്ട്ട വാഹനമായി മാറി കഴിഞ്ഞു ഇവൻ. അതോടെ യമഹയുടെ കണ്ണും ആ വഴിയിലോട്ട് പോയി തുടങ്ങി. എക്സ് എസ് ആർ ട്രാക്കർ, സ്പോർട്സ് ഹെറിറ്റേജ് എന്നിവക്ക് പുറമേ കഫേ റൈസർ ആക്‌സിസ്സോറിസ് ലഭ്യമാണ്.
കഫേ റൈസർ ആക്‌സസ്സറിയിൽ ഉൾക്കൊള്ളിച്ചിരിക്കുന്നത് ബിക്കിനി ഫയറിങ്, ബ്ലാക്ക് ഹംബ് സീറ്റ്, ടാങ്ക് നീ പാട്, കുറച്ചു ഫ്ലാറ്റ് ആയ ഹാൻഡിൽ ബാർ, ലോവർ ഹാൻഡിൽ ബാർ ഹോൾഡർ, ബ്രേക്ക് കേബിൾ ഹെഡ്‍ലൈറ്റ് കവിൾ സ്റ്റേ എന്നിവയാണ്. ഇന്ത്യൻ രൂപ 32,200 നടുത്ത് വരുന്ന ഈ ആക്‌സസറീസ് അണിഞ്ഞാൽ ലൈറ്റ് വൈറ്റ് ക്ലാസ്സിക് ഒരു കഫേ റൈസർ ആയി മാറും.
ഇതിനൊപ്പം 2023 എഡിഷനിൽ പുതിയ നിറങ്ങളും യമഹ ഇവന് നൽകിയിട്ടുണ്ട്. മെറ്റാലിക് റെഡ്, ലൈറ്റ് ബ്ലൂ, മെറ്റാലിക് ബ്ലാക്ക്, മാറ്റ് സിൽവർ എന്നിങ്ങനെയാണ് അവ. എൻജിൻ സ്പെക്, ക്ലാസ്സിക് രൂപഭംഗി എന്നിവയിൽ ഒരു മാറ്റവും നൽകിയിട്ടില്ല.
ഇന്തോനേഷ്യൻ മാർക്കറ്റിൽ ഇവൻറെ വില ഇന്ത്യയിൽ നിലവിലുള്ള സഹോദരന്മാരെക്കാളും താഴെയാണ്. ഇന്ത്യൻ രൂപ കണക്കാക്കിലായി 1.98 ലക്ഷം രൂപയാണ് ഇവൻറെ ഇൻഡോനേഷ്യയിലെ എക്സ് ഷോറൂം വില വരുന്നത്.
Leave a comment