പിൻവലിക്കലും വിലകയ്യറ്റവുമായി ഹീറോ 

ഇന്ത്യയിലെ ഏറ്റവും വലിയ ഇരുചക്ര നിർമ്മാതാവായ ഹീറോ തങ്ങളുടെ എൻട്രി ലെവലിലെ പഞ്ഞ കാലം മാറ്റിയ എക്സ്പൾസ് 200 2വി യെ പിൻവലിക്കുന്നു. 200 4വി മികച്ച പ്രതികരണം നേടിയത്തോടെയാണ് പതുക്കെയുള്ള ഈ പിന്മാറ്റം.

2019 മേയിൽ അവതരിപ്പിച്ച എക്സ്പൾസ് 200 ഹീറോക്ക് എൻട്രി ലെവൽ സെഗ്മെന്റിൽ മികച്ച കുത്തിപ്പാണ് നൽകിയത്. മികച്ച ഓഫ്‌ റോഡ് കഴിവുകളുള്ള ഇവന് ആദ്യ തലമുറയിൽ പോരായ്മകൾ പരിഹരിച്ചാണ് 2021 ൽ 4 വാൽവ് എൻജിനുമായി 4 വി എത്തിയത്. ഇരുവരും തമ്മിൽ 10,000 രൂപയോളം വില വ്യത്യാസവും ഉണ്ട്. 1.37 ലക്ഷം രൂപയാണ് 4വി യുടെ ഇന്ത്യയിലെ എക്സ് ഷോറൂം വില വരുന്നത്.

പിൻവലിക്കുന്നതിനാലാകാം ഹീറോ നിരയിൽ ഇപ്പോൾ ഉണ്ടായിരിക്കുന്ന വിലകയ്യറ്റതിൽ നിന്ന് എക്സ്പൾസ് 200 4വി യെ മാറ്റി നിർത്തിയിരിക്കുന്നത്. പുതിയ വില അനുസരിച്ച്. എക്സ്ട്രീം 160 ആറിന് 2794 രൂപയുടെ വരെ വർധന ഉണ്ട്. ഇതോടെ 117,786  മുതൽ 128,658  രൂപയാണ് എക്സ് ട്രീമിന് വില വരുന്നത്. ഇന്ത്യയിലെ ഏറ്റവും അഫോഡബിൾ ആയ ഫുള്ളി ഫൈറിങ് ബൈക്കായ 200 എസിന് 1294 രൂപയുടെ വിലകയ്യറ്റം ഉണ്ടായിട്ടുണ്ട്. ഇതോടെ 136,423 ആയി എക്സ്ട്രീം 200 എസിന്റെ വില വരുന്നത്. ഡിസംബർ 1 മുതൽ പ്രാബല്യത്തിൽ വന്നിരിക്കുന്ന വിലകയ്യറ്റത്തിൽ ഒരു മാറ്റവും മോഡലുകൾക്ക് ഹീറോ നൽകിയിട്ടില്ല.