Monday , 29 May 2023
Home international വി 4, 500 സിസി ക്രൂയ്സർ വിപണിയിൽ
international

വി 4, 500 സിസി ക്രൂയ്സർ വിപണിയിൽ

ചൈനയിൽ പുതിയ അവതാരം എത്തിയിരിക്കുന്നത്.

v4 500 cc cruiser

ബ്രേക്കിംഗ്, ഇലക്ട്രോണിക്സ്, സസ്പെൻഷൻ എന്നിവയിൽ അത്യാധുനിക സംഭവങ്ങൾ കൊണ്ടുവരുന്ന ചൈനീസ് കമ്പനിക്കളുടെ മോഡലുകളിൽ മിക്യവാറും എൻജിൻ സൈഡിൽ എത്തുമ്പോൾ നിരാശ പെടുത്താറാണ് പതിവ്. എന്നാൽ ഇതാ ആ ചീത്ത പേര് മാറ്റാനായി ഒരു ആധുനിക 4 സിലിണ്ടർ എത്തി കഴിഞ്ഞു. അതും പാനിഗാലെ മോഡലുകളിൽ ഇപ്പോൾ സ്ഥിര സാന്നിധ്യമായ വി4 എൻജിനുമായാണ് ചൈനീസ് കമ്പനിയായ ബെൻഡയുടെ വരവ്.

കാഴ്ചയിൽ തന്നെ കണ്ണുടക്കുന്ന രീതിയിലാണ് ഡിസൈൻ ഒരു കസ്റ്റമ് ക്രൂയ്സർ എന്നേ ബെൻഡ ബി ഡി 500 നെ പറയൂ. ഉയർന്ന വലിയ ഹാൻഡിൽ ബാർ, റോഡിനോട് ചേർന്ന് നിൽക്കുന്ന ഫൂട്ട്പെഗ്, വലിയ ഇരട്ട എക്സ്ഹൌസ്റ്റ്, മൾട്ടി സ്പോക്ക് അലോയ് വീൽ, റൌണ്ട് എൽ ഇ ഡി ഹെഡ്‍ലൈറ്റ്, എന്നിങ്ങനെ എല്ലാം ഒരു ഫുൾ സൈസ് അമേരിക്കൻ ക്രൂയ്സർ തന്നെ.

ഇനി പ്രധാന ഹൈലൈറ്റായ എൻജിനിലേക്ക് കടക്കാം. 496 സിസി, ലിക്വിഡ് കൂൾഡ്, വി 4 എൻജിനാണ് ഹൃദയം 56.3 ബി എച്ച് പി യും 45 എൻ എം ടോർക് എന്നിങ്ങനെ മോശമല്ലാത്ത മാർക്ക് കിട്ടുന്ന ഔട്ട്പൂട്ട് ഫിഗറുകളാണ് ഇവനായി ബെൻഡാ ഒരുക്കിയിരിക്കുന്നത്. ഒപ്പം ഇലക്ട്രോണിക്സ് നിരയിൽ ട്രാക്ഷൻ കണ്ട്രോൾ, ക്രൂയിസ് കണ്ട്രോൾ, സിലിണ്ടർ ഡി ആക്ടിവേഷൻ, സെമി ഡിജിറ്റൽ ഇൻസ്ട്രുമെൻറ് കൺസോൾ എന്നിവയും അണിനിരക്കുമ്പോൾ. മുന്നിൽ യൂ എസ് ഡിയും പിന്നിൽ ഡ്യൂവൽ ഷോക്ക് അബ്സോർബേർസ്‌ എന്നിവയാണ് സസ്പെൻഷൻ വിഭാഗത്തിൽ. സിംഗിൾ ഡിസ്ക് ബ്രേക്ക് നൽകിയപ്പോൾ ഡ്യൂവൽ ചാനൽ എ ബി എസ് ആണ്. പക്ഷേ ഭാരം കുറച്ചു കൂടുതലാണ് 241 കെ ജി.

ചൈനീസ് ഇന്റർനാഷണൽ ട്രേഡ് എക്സിബിഷന് അവതരിപ്പിച്ച ഇവൻ ചൈന വിട്ട് പുറത്തുപോകാൻ ഒരു വഴിയുമില്ല. എന്നാൽ ഇന്ത്യയിൽ എത്താൻ എത്താൻ ചെറിയൊരു സാധ്യതയുണ്ട് ബെൻഡയുടെ പങ്കാളിയാണ് കീവേ ഇവർ ചേർന്ന് ഇന്റർനാഷണൽ മാർക്കറ്റിൽ ഒരു കുഞ്ഞൻ 125 സിസി വി2 മോഡൽ വിൽക്കുന്നുണ്ട്.

Leave a comment

Leave a Reply

Your email address will not be published. Required fields are marked *

Related Articles

ട്ടി വി എസ് കൂട്ടുകെട്ടിൽ ആദ്യ സൂപ്പർതാരം

ഇന്ത്യൻ ഇരുചക്ര നിർമ്മാതാക്കൾ ചെറിയ മോട്ടോർസൈക്കിളുകളാണ് വിപണിയിൽ എത്തിക്കുന്നതെങ്കിലും. പല വമ്പന്മാരെയും വാങ്ങുകയും പങ്കാളിയാക്കുകയും ചെയ്തിട്ടുണ്ട്....

കസ്റ്റമ് ബൊബ്ബറുമായി ബെൻഡ

ഇന്ത്യയിൽ കഴിഞ്ഞ വർഷം ചൈനീസ് ബ്രാൻഡുകളുടെ കുത്തൊഴുക്ക് തന്നെയായിരുന്നു. അതുപോലെ തന്നെ വമ്പന്മാർ എല്ലാവരും മാറി...

എക്സ് എസ് ആറിൻറെ കഫേ റൈസർ

യമഹയുടെ ഹെറിറ്റേജ് മോഡലാണ് എക്സ് എസ് ആർ സീരീസ്. എം ട്ടി പവർ ചെയ്യുന്ന എൻജിൻ...

ഹൈഡ്രജന് കരുത്തുമായി ബിഗ് ഫോർ

ലോകമെബാടും ഇലക്ട്രിക്കിലേക്ക് തിരിയുമ്പോൾ അവിടെയും ഒരു വലിയ എതിരാളി എത്തുകയാണ്. ട്ടയോട്ട, കവാസാക്കി എന്നിവരാണ് ഈ...