പ്രമുഖ വാഹന നിർമ്മാതാക്കൾ എല്ലാം ബൈക്കുകളിൽ പുതിയ സുരക്ഷാ സംവിധാനങ്ങൾ പരീക്ഷിച്ചു കൊണ്ടിരിക്കുകയാണ്. ഹോണ്ട തങ്ങളുടെ കുഞ്ഞൻ മോഡലിൽ വരെ എയർ ബാഗ് ഒരുക്കുമ്പോൾ. യമഹ തങ്ങളുടെ ബൈക്ക് കാലു കുത്താതെ എങ്ങനെ സഞ്ചരിക്കാം എന്നാണ് നോക്കുന്നത്. സെൽഫ് ബാലൻസിങ് ടെക്നോളോജിയുടെ അണിയറ വിശേഷങ്ങൾ അറിയാം.
അഡ്വാൻസ്ഡ് മോട്ടോർസൈക്കിൾ സ്റ്റെബിലൈസേഷൻ അസിസ്റ്റ് സിസ്റ്റം ( എ. എം. എസ്. എ. എസ് ) എന്ന് പേരിട്ടിട്ടുള്ള ഈ ടെക്നോളജി എങ്ങനെയാണ് പ്രവർത്തിക്കുന്നത് എന്ന് ആദ്യംനോക്കാം. ഈ ടെക്നോളജിയുടെ പിന്നിൽ മൂന്ന് മെയിൻ പാർട്ടുകളാണ് ഉള്ളത്.
അതിൽ ആദ്യ രണ്ടെണ്ണം മോട്ടോർ ആക്യുവേറ്ററുകളാണ്. അത് ഹാൻഡിൽ ബാർ, മുൻ ടയർ എന്നിവിടങ്ങളിൽ ഘടിപ്പിക്കുന്നു. അടുത്തത് ഇരുചക്രത്തിൻറെ ദിശ മോട്ടോർസൈക്കിളിന് മനസ്സിലാക്കാനുള്ള 6 ആക്സിസ് ഐ. എം. യൂ. കോൺട്രോളാണ്.
ബൈക്ക് നിർത്തുകയാണ് എന്ന് മനസ്സിലാകുന്ന 6 ആക്സിസ് ഐ. എം. യൂ. കണ്ട്രോൾ ഇരു ആക്യുവേറ്ററുകളിലേക്കും നിർദ്ദേശം നൽകുകയും. മോട്ടോർസൈക്കിളിനെ സെൽഫ് ബാലൻസ് ചെയ്യുകയുമാണ് ചെയ്യുന്നത്. ആർ 25 മോഡലിനെ അടിസ്ഥാനപ്പെടുത്തി പരീക്ഷണം പുരോഗമിക്കുന്ന ഈ ടെക്നോളജി പാതിവഴിയിൽ എത്തിയിട്ടുണ്ട് എന്നാണ് യമഹ അറിയിച്ചിരിക്കുന്നത്.
ഈ പരീക്ഷണം വിജയമായതോടെ തങ്ങളുടെ മറ്റ് മോഡലുകളിലും ഈ ടെക്നോളജി അവതരിപ്പിക്കുമെന്നും യമഹ അറിയിച്ചിട്ടുണ്ട്.
Leave a comment