ഇന്ത്യയിൽ ഈയിടെ ഏറ്റവും ഹൈപ്പ് നൽകിയ മോട്ടോർസൈക്കിൾ ആണ് ഹീറോ കരിസ്‌മ എക്സ് എം ആർ. കരിസ്‌മയെ വെറുതെ അങ്ങനെ കൊണ്ടുവരുകയല്ല എന്ന് സൂചന നേരത്തേ ഹീറോ നൽകിയിരിക്കുന്നു. പേപ്പറിൽ മാത്രം ഒതുങ്ങി നിന്ന പുത്തൻ കരിസ്‌മ ഇതാ റോഡ് ടെസ്റ്റിന് ഇറങ്ങിയിരിക്കുകയാണ്.
മുഖം മുടിയണിഞ്ഞ് റൈഡിങ്ങിനിറങ്ങിയ ഇവൻറെ പിൻവശത്തിൽ നിന്ന് തുടങ്ങാം. മിനിമലിസ്റ്റിക് ആണ് ടൈൽ സെക്ഷൻ, എൽ ഇ ഡി ഇൻഡിക്കേറ്ററും, ടൈൽ ലൈറ്റും കൂടി കാണുമ്പോൾ ഒരു പക്കാ സ്പോർട്സ് ബൈക്കിൻറെ ചെല്ലുണ്ട്. അത് പോലെ തന്നെയാണ് സീറ്റും. പില്ല്യണിന് ഉയർന്നിരിക്കുന്ന സ്പ്ലിറ്റ് സീറ്റാണ്.
ഇതുവരെ സ്പോർട്സ് ബൈക്കിനോട് ചേർന്നാണ് നിൽപ്പെങ്കിൽ ഇനി അങ്ങോട്ട് കരിസ്‌മയുടെ സ്വഭാവം എടുക്കുകയാണ്. നീണ്ടു ഉയർന്ന റൈഡിങ് ട്രൈആംഗിളാണ് . അത് കഴിഞ്ഞ് ടാങ്കിലേക്ക് ചെന്നാലും വലിയ തടിച്ച ടാങ്കാണ് .
ക്ലിപ്പ് ഓൺ ഹാൻഡിൽ ബാർ, ഫുള്ളി ഫയറിങ്, എൽ ഇ ഡി ഹെഡ്‍ലൈറ്റ് ലൈറ്റ് എന്നിവയാണ് ഡിസൈനിലെ മറ്റ് വിശേഷങ്ങൾ. ഒപ്പം മുന്നിൽ ഹെഡ്‍ലൈറ്റ് വ്യക്തമല്ലെങ്കിലും. എവിടെയോ സീറോ മോട്ടോർസൈക്കിളിന്റെ സാഹസികൻറെ ഛായ തോന്നിക്കുന്നുണ്ട്. ചെറിയൊരു തോന്നൽ മാത്രമാണ്, കൂടുതൽ ചിത്രങ്ങൾ വരുമ്പോൾ നമ്മുക്ക് കൂടുതൽ വ്യക്തമാകും.
പുത്തൻ മോഡലിൻറെ സ്പെക്കിലും കുറച്ച് കാര്യങ്ങൾ പുതുതായി പുറത്ത് വന്നിട്ടുണ്ട്. അതിൽ നമ്മൾ വിചാരിച്ചതു പോലെ ഇരു അറ്റത്തും അലോയ് വീൽ, ട്യൂബ്ലെസ്സ് ടയർ, എന്നിവയാണെങ്കിലും പുതിയ കാലത്തിന് അനുസരിച്ചുള്ള യൂ എസ് ഡി ഫോർക്ക് പുത്തൻ മോഡലിന് ഇല്ല. ടെലിസ്കോപിക്, മോണോ സസ്പെൻഷൻ തന്നെയാണ് അതുവേണമെന്ന് നിർബന്ധമില്ലല്ലോ.
അപ്പോൾ എല്ലാം കൂടി നോക്കുമ്പോൾ കരിസ്‌മ എക്സ് എം ആർ ഒരു സ്പോർട്സ് ടൂറെർ ആണ് എന്ന് വ്യക്തം. ഈ വർഷം തന്നെ വിപണിയിൽ എത്താൻ സാധ്യതയുള്ള മോഡലിന് ഏകദേശം 1.7 ലക്ഷത്തിന് അടുത്ത് വില പ്രതിക്ഷിക്കാം.
Leave a comment