ഹോണ്ടയുടെ ഭീകരന്മാർ

ഇന്ത്യയിൽ ഹോണ്ട തങ്ങളുടെ സ്പോർട്സ് ടൂറെർ മോഡലുകളെയാണ് കൂടുതലായി ഫോക്കസ് ചെയ്യുന്നത്. സി ബി ആർ 250 ആർ, 150 ആർ, സി ബി ആർ 650 ആർ എന്നിങ്ങനെ എല്ലാവരും ഇതേ ഡി എൻ എ പിന്തുടരുന്നവരാണ്. എന്നാൽ ഇന്റർനാഷണൽ മാർക്കറ്റിൽ ചില ഭീകരന്മാർ ഹോണ്ടയുടെ പക്കലുണ്ട്. അവരെ ഒന്ന് പരിചയപ്പെടാം.

ക്വാർട്ടർ ലിറ്റർ മോൺസ്റ്റർ

താഴെ നിന്ന് തുടങ്ങിയാൽ ആദ്യ താരം ഹോണ്ടയുടെ സി ബി ആർ 250 ആർ ആർ ആണ്. ഇരട്ട സിലിണ്ടർ 250 സിസി നിരയിലെ ലോകത്തിലെ തന്നെ ഒന്നാമൻ. ഇവനെ ആദ്യമെത്തിക്കുന്നത് ഇവൻറെ കരുത്ത് തന്നെയാണ്. ഇന്ത്യയിൽ ഇപ്പോൾ വലിയ മാറ്റങ്ങൾക്ക് വേണ്ടി ഇടവേള എടുത്തിട്ടുള്ള സി ബി 500 എക്സ്. 471 സിസി, പാരലൽ ട്വിൻ സിലിണ്ടർ എൻജിൻറെ കരുത്ത് 48 പി എസ് വരും. എന്നാൽ പകുതി കപ്പാസിറ്റിയുള്ള 250 ആർ ആറിന് ഉത്പാദിപ്പിക്കുന്നത് 42 പി എസ്. 25 എൻ എം ടോർക് ഉള്ള ഇവൻറെ ആകെ ഭാരം 168 കെജി യാണ്.

ഇന്തോനേഷ്യൻ മാർക്കറ്റിൽ നിലവിലുള്ള ഈ ക്വാർട്ടർ ലിറ്റർ ഭീകരൻറെ എതിരാളികളുടെ സ്കോർ ബോർഡ് കൂടി നോക്കാം. ബിഗ് ഫോറിലെ കവാസാക്കി നിൻജ 250 യാണ് തൊട്ട് പിന്നിൽ. 250 സിസി ട്വിൻ സിലിണ്ടർ ഹൃദയത്തിന് കരുത്ത് 39 പി എസും 23.5 എൻ എം ഉല്പാദിപ്പിക്കുന്നതെങ്കിൽ ഭാരം 164 കെ ജിയോളം വരും. തൊട്ട് പിന്നിലാണ് യമഹയുടെ ആർ 25 നിൽക്കുന്നത്. ക്വാർട്ടർ ലിറ്റർ, ഇരട്ട സിലിണ്ടറുമായി എത്തുന്ന ഇവൻ 36 പി എസ് കരുത്തും 23.6 എൻ എം ടോർക്കും ഉല്പാദിപ്പിക്കുന്നു, ഭാരം 166 കെ ജി.

നടുക്കഷ്ണം

അങ്ങനെ ഏറ്റവും അറ്റത്തെ ഭീകരനെ പരിജയെപ്പെട്ട് മുന്നോട്ട് പോകുന്നത് നടുക്ഷണത്തിലേക്കാണ്. ഹൈറേവിങ് എൻജിനുകൾ വിട പറയുന്ന പുതിയ കാലക്രമത്തിൽ. പല മാർക്കറ്റിലും വില്പന അവസാനിപ്പിക്കുന്ന 4 സിലിണ്ടർ സി ബി ആർ 600 ആർ ആർ. ഇപ്പോളും ചില മാർക്കറ്റുകളിൽ വിൽക്കുന്നുണ്ട്.

കവാസാക്കിയുടെ ഇസഡ് എക്സ് 6 ആറിനുള്ള മറുപടി കൂടിയാണ് ഇവൻ. 14,000 ആർ പി എമ്മിൽ 121 പി എസ് കരുത്ത് ഉല്പാദിപ്പിക്കുന്ന 599 സിസി, ഇൻലൈൻ ഫൗർ സിലിണ്ടർ എൻജിൻ. ടോർക് 64 എൻ എം വും ഭാരം 194 കെ ജി യും.

എന്നാൽ എതിരാളിയായ ഇസഡ് എക്സ് 6 ആറിന് കുറച്ച് മുൻതൂക്കം അവകാശപ്പെടുന്നുണ്ട്. കാരണം 600 ആർ ആറിനെക്കാളും 2 കെ ജി കൂടുതലുള്ള ഇവന്. 136 പി എസ് കരുത്താണ് 636 സിസി, ഇൻലൈൻ 4, ലിക്വിഡ് കൂൾഡ് എൻജിൻ ഉല്പാദിപ്പിക്കുന്നത്. ടോർക് 70.8 എൻ എം.

കൊടും ഭീകരൻ

രണ്ട് ആർ ഇടുമ്പോൾ തന്നെ ഭീകരൻ ആകുന്ന സി ബി ആറിന്. ഒരു ആർ കൂടി കിട്ടിയാലോ അതാണ് സി ബി ആർ 1000 ആർ ആർ – ആർ. ഇന്ത്യയിൽ ഇപ്പോൾ വാങ്ങാവുന്ന ഏറ്റവും കരുത്തുറ്റ മോട്ടോർ സൈക്കിൾ. 217.5 പി എസ് കരുത്തുള്ള ഇൻലൈൻ 4 സിലിണ്ടർ, ലിക്വിഡ് കൂൾഡ് എൻജിനാണ് ഹൃദയം. 113 എൻ എം ടോർക് ഉല്പാദിപ്പിക്കുന്ന ഇവൻറെ ആകെ ഭാരം 201 കെ ജി യാണ്. എതിരാളികളുടെ ലിസ്റ്റ് നോക്കിയാൽ കരുത്തൻമാരുടെ പറുതിസയാണ്.

സോഴ്സ്