റോയൽ എൻഫീൽഡുമായി മത്സരിക്കാൻ ഹോണ്ട ഇറക്കിയ മോഡലുകളാണ് സി ബി 350 സീരീസ്. ഒരേ എൻജിൻ വച്ച് കുറച്ചധികം മോട്ടോർസൈക്കിൾ അവതരിപ്പിക്കുന്ന എൻഫീൽഡ് തന്ത്രമാണ് ഹോണ്ടയുടെയും. റോഡ്സ്റ്റർ, സ്ക്രമ്ബ്ലെർ മോഡലുകൾക്ക് ശേഷം ഇനി എത്താൻ പോകുന്നത് ക്രൂയ്സറാണ്.
മിറ്റിയോർ 350, യെസ്‌ടി റോഡ്സ്റ്റർ എന്നീ മോഡലുകളുമായി മത്സരിക്കാൻ ഒരുങ്ങുന്ന മോഡലിന്. കഴിഞ്ഞ ദിവസങ്ങളിൽ എത്തിയ കസ്റ്റമ് മോഡലായല്ല അവതരിപ്പിക്കുന്നത്. രൂപത്തിലെ ക്രൂയ്സർ ഡിസൈൻ റിബൽ 300 മായി സാമ്യമുണ്ടാകാം. ഒപ്പം ക്രൂയ്സർ മോഡലുകളുടെ മറ്റ് വിശേഷണങ്ങൾ ആയ റിലാക്സ്ഡ് റൈഡിങ് ട്രൈആംഗിൾ, ചെറിയ പിൻ വീലുകൾ എന്നിങ്ങനെയുള്ള മാറ്റങ്ങൾ പ്രതിക്ഷിക്കാം.
സി ബി 350 യിൽ കണ്ട 348.36 സിസി സിംഗിൾ സിലിണ്ടർ എയർ കൂൾഡ് എൻജിൻറെ കരുത്ത് 21.07 പി എസ്, 30 എൻ എം ടോർക് എന്നിവയിൽ മാറ്റമുണ്ടാകില്ലെങ്കിലും. ക്രൂയ്സർ മോഡലുകളുടെ സ്വഭാവത്തിലേക്ക് മാറ്റുന്നതിനായി എൻജിൻ ട്യൂണിങ്ങിൽ വ്യത്യാസമുണ്ടാക്കും.
ക്രൂയ്സർ മോഡൽ തട്ടി കൂട്ട് അല്ല എന്ന് മനസ്സിലാക്കാൻ ഒരു വാർത്ത കൂടി പുറത്ത് വരുന്നുണ്ട്. അത്‌ വിലയാണ് സി ബി 350 യുമായി താരതമ്യപ്പെടുത്തുമ്പോൾ 15,000 രൂപയോളം വർദ്ധനയാണ് പ്രതീഷിക്കുന്നത്. സി ബി 350 ക്ക് ഇപ്പോൾ വില തുടങ്ങുന്നത് 1.99 ലക്ഷം രൂപയാണ്.
പ്രധാന എതിരാളികളായ മിറ്റിയോർ 350 യുടെ വില ആരംഭിക്കുന്നത് 2.07 ലക്ഷവും. യെസ്‌ടി റോഡ്സ്റ്ററിൻറെ വില ആരംഭിക്കുന്നത് 2.01 ലക്ഷവുമാണ്. ഇരു മോഡലുകളുടെയും ബി എസ് 6 വേർഷൻറെ എക്സ് ഷോറൂം വിലയാണ് താഴെ കൊടുത്തിരിക്കുന്നത്.
Leave a comment