കവാസാക്കി തങ്ങളുടെ ആദ്യത്തെ നിൻജ ബൈക്കിനെ കളത്തിൽ ഇറക്കാൻ ഒരുങ്ങുമ്പോൾ. ഹോണ്ടയിലുമുണ്ട് ഒരു ക്ലാസ്സിക് താരം. ഇ ഐ സി എം എ 2023 ൽ എത്തുന്നത് മറ്റാരുമല്ല, നമ്മുടെ നാട്ടിലെ റോയൽ എൻഫീൽഡിൻറെ എതിരാളിയായ സി ബി 350 യുടെ 750 വേർഷനാണ്.
കാഴ്ചയിൽ സി ബി 350 യോട് ഏറെ സാമ്യമുണ്ടാകാൻ സാധ്യതയുള്ള ഇവന്. എൻജിൻ സൈഡിൽ ഒരു കരുത്തനെ ആണ് ഒളിപ്പിക്കുന്നത്. കഴിഞ്ഞ ദിവസങ്ങളിൽ ഇന്ത്യയിൽ അവതരിപ്പിച്ച ട്രാൻസ്ലപ് 750 യുടെ എൻജിനാണ് ഇവൻറെ ഹൃദയം. കൂടുതൽ വിവരങ്ങൾക്കായി ഇന്ന് ഉച്ചവരെ കാത്തിരുന്നാൽ മതി.
750 സീരിസിൽ ഇവിടം കൊണ്ടും തീരുന്നില്ല. യമഹയുടെ ആർ 7 ന് ബദലായി വരുന്നത് സി ബി ആർ 750 ആർ ആണ്. ഹോണ്ട സി ബി ആർ 600 ആർ ആറിനോട് ചേർന്നാണ് ഡിസൈൻ വരാൻ സാധ്യത.ഇവർക്ക് കൂട്ടായി ഒരു ലിറ്റർ ക്ലാസ്സ് നേക്കഡ് സ്പോർട്സ് ബൈക്കുമുണ്ട്. അത് സി ബി 1000 ആറിൻറെ 2024 എഡിഷനാണ്.
കഴിഞ്ഞ വർഷം എത്തിയ ഹോണ്ടയുടെ 750 നിര കൊഴുക്കുമ്പോൾ. സുസുക്കി വെറുതെ ഇരിക്കുന്നത് എങ്ങനെ. അതുപോലെ തന്നെ യമഹ ഒരു ലെവൽ കൂടി കളി ഉയർത്തുകയാണ്.
Leave a comment