എഥനോൾ മോഡലുകൾ ഇന്ത്യൻ ഓട്ടോ എക്സ്പോയിൽ

ഇന്ത്യ ഇലക്ട്രിക്ക് മോഡലുകളിലേക്ക് മാറുമ്പോൾ കവാസാക്കി, ഹോണ്ട, ട്രിയംഫ്, ട്ടി വി എസ്, യമഹ തുടങ്ങിയവർ എല്ലാം മലിനീകരണം കുറഞ്ഞ മറ്റ് ഇന്ധനങ്ങളുടെയും സാധ്യത തേടുന്നുണ്ട്. അങ്ങനെ ഇപ്പോൾ ഉയർന്ന് കേൾക്കുന്ന ഇന്ധനം എഥനോൾ ആണ്. ഓട്ടോ എക്സ്പോയിൽ കുറച്ചധികം മോഡലുകൾ ഈ പ്രദർശിപ്പിച്ചിട്ടുണ്ട്‌.

ഇന്ത്യയിൽ സെഗ്മെൻറ് ഫസ്റ്റ് ഫീച്ചേഴ്‌സ് നൽകുന്നതിൽ കേമന്മാരാണ് നമ്മുടെ സ്വന്തം ട്ടി വി എസ്. ഫ്യൂൽ ഇൻജെക്ഷൻ, എ ബി എസ് എന്നിവക്കൊപ്പം എഥനോൾ കരുത്ത് പകരുന്ന മോട്ടോർസൈക്കിൾ 2019 ൽ തന്നെ അവതരിപ്പിച്ചിരുന്നു. എന്നാൽ പിന്നെ അവിടെ നിന്ന് വലുതായൊന്നും ആ പ്ലാൻ നീങ്ങിയില്ലെങ്കിലും ഓട്ടോ എക്സ്പോ 2023 ൽ വീണ്ടും പുതിയ പവറുമായി എത്തുകയാണ്. എന്നാൽ ഇത്തവണ ആർ ട്ടി ആർ 160 യിലാണ് എഥനോൾ എത്തുന്നത് എന്ന് മാത്രം.

ആദ്യം അവതരിപ്പിച്ച ആർ ട്ടി ആർ 200 ഇ 100, 100% എഥനോളിൽ മാത്രമാണ് ഓടാൻ സാധിക്കുകയുള്ളൂ. അത് പ്രയോഗികമല്ല എന്ന് കണ്ട് കലാം ഒന്ന് മാറ്റി ചവിട്ടുകയാണ് ട്ടി വി എസ്. പുതുതായി എഥനോൾ കരുത്തുമായി എത്തിയിരിക്കുന്നത് അപ്പാച്ചെ നിരയിലെ ബെസ്റ്റ് സെല്ലെർ ആയ ആർ ട്ടി ആർ 160 4വി യിലാണ്. ഈ എൻജിനിൽ 20 മുതൽ 85 ശതമാനം വരെയുള്ള എഥനോൾ ഉപയോഗിച്ച് പ്രവർത്തിക്കാൻ കഴിയും. എൻജിൻ സ്പെസിഫിക്കേഷനുകളിൽ പെട്രോളും എഥനോളും തമ്മിൽ വലിയ മാറ്റമില്ല.

സോഴ്സ്