ലോകത്തിലെ തന്നെ ഏറ്റവും പ്രീമിയം ഇരുചക്ര വാഹന ബ്രാൻഡ് ആണ് ഡുക്കാറ്റി. കെ ട്ടി എം, ട്രിയംഫ്, ബി എം ഡബിൾ യൂ എന്നിവരുടെ പോലെ കുഞ്ഞൻ മോഡലുകൾ ഭാവിയിൽ ഡുക്കാറ്റിയുടേതായി ഉണ്ടാകുമോ??? എന്ന് ഡുക്കാറ്റിയുടെ മേധാവിയോട് ചോദിച്ചപ്പോൾ കിട്ടിയ ഉത്തരമാണ് താഴെ നൽകുന്നത്.
മുകളിൽ പറഞ്ഞ ബ്രാൻഡുകളുടെ പോലെ കുഞ്ഞൻ മോഡലുകൾ ഈ അടുത്തൊന്നും ഡുക്കാറ്റിയിൽ നിന്ന് ഉണ്ടാകില്ല. ഈ നിരയിൽ കൂടുതലായി എത്തുന്നത് യുവാക്കളാണ് ഇവരെ ഇറ്റാലിയൻ ബ്രാൻഡ് ലക്ഷ്യമിടുന്നില്ല എന്നാണ് പറയുന്നത്. ഗ്ലോബലി ഡുക്കാറ്റി ഉപയോഗിക്കുന്നവരുടെ ശരാശരി വയസ്സ് 45 ആണ്.
ഏറ്റവും കുറവ് 25 വയസുള്ളവരാണ് ഡുക്കാറ്റി മോഡലുകൾ ഉപയോഗിക്കുന്നത്. ഇതിനും താഴത്തേക്ക് ഡുക്കാറ്റി മോഡൽ ഇറക്കുന്നില്ല എന്നാണ് ഇപ്പോൾ അറിയിച്ചിരിക്കുന്നത്.
ഡുക്കാറ്റി ഇപ്പോൾ ഏറ്റവും കൂടുതൽ ശ്രദ്ധിക്കുന്ന മേഖല സാഹസികനിലേക്കാണ്. ഡെസേർട്ട് എക്സ്, മൾട്ടിസ്റ്റേർഡ തുടങ്ങിയ മോഡലുകൾ വലിയ ജനസ്വീകാര്യതയാണ് ഇന്ത്യയിലും ഇന്റർനാഷണൽ മാർക്കറ്റിലും ലഭിച്ചു വരുന്നത്.
ഇന്ത്യയിലും വലിയ പ്ലാനുകൾ ഡുക്കാറ്റി നോക്കുന്നുണ്ട്. ഇന്ത്യയിൽ നടക്കുന്ന മോട്ടോ ജി പി യിൽ പങ്കെടുക്കുന്നതിനൊപ്പം. ഇന്ത്യ ഡുക്കാറ്റി വീക്ക് ഇന്ത്യയിൽ അവതരിപ്പിക്കാനും പദ്ധതിയുണ്ട്.
Leave a comment