ബി എം ഡബിൾ യൂ പേരുകൾ ഡികോഡ് ചെയ്താൽ

ലോകത്തിലെ ഏറ്റവും വലിയ പ്രീമിയം ഇരുചക്ര നിർമ്മാതാവായ ബി എം ഡബിൾ യൂ വിൻറെ പേരിടുന്ന സമവാക്യങ്ങൾ ഒന്ന് ഡീകോഡ് ചെയ്തല്ലോ??? . 310 മുതൽ 1800 സിസി വരെ കാപ്പാസിറ്റിയുള്ള മോഡലുകൾ ഈ നിരയിലുണ്ട്. അതിൽ തന്നെ സിംഗിൾ സിലിണ്ടർ മുതൽ സിക്സ് സിലിണ്ടർ മോഡലുകൾ വരെ വിപണിയിലുണ്ട്. ഈ എൻജിൻ സിലിണ്ടർ , കപ്പാസിറ്റി, സ്വഭാവം എന്നിവയെ അടിസ്ഥാനപ്പെടുത്തിയാണ് ഓരോ മോഡലുകൾക്കും പേര് നൽകുന്നത്. ഈ സമവാക്യങ്ങൾ ഒന്ന് ഡീകോഡ് ചെയ്ത് നോക്കാം.

ഒറ്റ ഇംഗ്ലീഷ് അക്ഷരത്തിലാണ് എല്ലാ പേരുകളും തുടങ്ങുന്നത്. ( ജി ) എന്നാൽ സിംഗിൾ സിലിണ്ടർ, പാരലൽ ട്വിൻ അവരെ (എഫ്) , ബോക്സർ എൻജിനുകൾക്ക് (ആർ), 4 സിലിണ്ടർ മോഡലുകൾ (എസ്), മോട്ടോർസ്പോർട്ട് ബൈക്കുകളെ ( എം ), സിക്സ് സിലിണ്ടർ ബൈക്കുകൾക്ക് (കെ) , സ്കൂട്ടറുകളെ (സി) എന്നാണ് പൊതുവെ വിളിക്കുന്നത്. (***അവസാനത്തെ രണ്ടു പേരുകളിൽ കുറച്ചു വ്യക്തത കുറവുണ്ട്.)

ഇനി രണ്ടാമത്തെ സെക്ഷനിലേക്ക് കടന്നാൽ കൂടുതലായും നമ്പറുകളാണ് ഇവിടെ ഉണ്ടാകുന്നത്. അത് എൻജിൻ കപ്പാസിറ്റിയാണ്. 300 മുതൽ 1800 സിസി വരെ കപ്പാസിറ്റിയുള്ള എൻജിനുകൾ ബി എം ഡബിൾ യൂ വിൻറെ പക്കലുണ്ട്.

വാലറ്റമാണ് ഏറ്റവും വലിയ നിര പേരുകളുള്ളത്. ഇത് ആ മോഡലുകളുടെ സ്വാഭാവത്തെയാണ് സൂചിപ്പിക്കുന്നത്. ആദ്യം ആർ ൽ നിന്ന് തുടങ്ങിയാൽ നേക്കഡ് എന്നാണ്. ആറിന് അപ്പുറത്ത് ആർ കൂടി വന്നാൽ സൂപ്പർ സ്പോർട്ട് ആയി. ആർ കഴിഞ്ഞ് എസ് ആണെങ്കിൽ സ്പോർട്സ് ടൂറെർ ആയി. എസിന് പകരം ട്ടി വന്നാൽ ട്രാവൽ ടൂറെർ. അത് വലിയ ടൂറിംഗ് ബൈക്കായ കെ സീരിസിലാണ് ഉള്ളത്. ആറിന് മുന്നിലുള്ളവരെ കഴിഞ്ഞാൽ ആറിന് പിന്നിലുള്ളവരും ഉണ്ട്. എക്സ് ആർ എന്നാൽ സാഹസിക യാത്രികൻ എന്നാണ്.

എന്നാൽ അംഗങ്ങളുടെ നിര കഴിഞ്ഞിട്ടില്ല. ഇപ്പോൾ കുറച്ച് പരിങ്ങലിൽ നിൽക്കുന്ന ഏറ്റവും പ്രിയങ്കരനായ ജി എസ് എന്നാൽ സാഹസികൻ എന്നും. ജി എസ് ആഡ്വാഞ്ചുവർ എന്നാൽ കൊടും സാഹസികൻ എന്നുമാണ്. ഇതിനൊപ്പം ജി ട്ടി എന്നാൽ ഗ്രാൻഡ് ടോറിസ്‌മോ എന്നും ബി എന്നാൽ ബോക്‌സർ എന്നുമാണ് ഡീകോഡ് ചെയ്യുമ്പോൾ കിട്ടുന്നത്.

ഇതിനൊപ്പം ആർ നൈൻ ട്ടി സീരീസ് കൂടിയുണ്ട്. കപ്പാസിറ്റിക്ക് പകരം നൈൻ ട്ടി എന്നാണ് ഇവനിട്ടിരിക്കുന്ന പേര്. ഇവരെ സ്റ്റാൻഡേർഡ് സ്പോർട്സ് ബൈക്ക് എന്നാണ് ബി എം ഡബിൾ യൂ വിളിക്കുന്നത്.

സോഴ്സ്