Wednesday , 1 February 2023
Home latest News ആർ ട്ടി ആർ 160 4 വി സ്പെഷ്യൽ എഡിഷൻ അവതരിപ്പിച്ചു
latest Newstvs

ആർ ട്ടി ആർ 160 4 വി സ്പെഷ്യൽ എഡിഷൻ അവതരിപ്പിച്ചു

ഇന്ത്യയിലെ ഏറ്റവും കരുത്തൻ കമ്യൂട്ടറുകളിൽ ഒന്നാണ് അപ്പാച്ചെ ആർ ട്ടി ആർ 160 4 വി. മികച്ച പെർഫോമൻസിനൊപ്പം ഫീച്ചേഴ്‌സുകളുടെ അതിപ്രസരവും ഇവനെ എതിരാളികളിൽ നിന്ന് വേറിട്ട് നിർത്തുമ്പോൾ തന്നെ  ഓരോ വർഷവും 160 4 വിയെ തേച്ചു മിനുക്കുകയാണ് ട്ടി വി എസ്.

2023 പടി വാതിലിൽ നിൽകുമ്പോൾ 160 4 വി യിൽ സ്പെഷ്യൽ എഡിഷനിൽ ചില മാറ്റങ്ങൾ കൊണ്ടുവന്നിരിക്കുകയാണ്. അതിൽ പ്രധാന മാറ്റം ഇപ്പോഴുള്ള സ്പെഷ്യൽ എഡിഷൻ മേറ്റ് ബ്ലാക്ക് ആണെങ്കിൽ  പുതിയവൻ പെർൾ വൈറ്റ് നിറമാണ്. ഒപ്പം സ്‌പോർട്ടിനെസ്സ് കൂട്ടുന്നതിനായി റെഡ് നിറവും സ്പെഷ്യൽ എഡിഷനിൽ എത്തിയിട്ടുണ്ട്. എന്നാൽ ഇന്ധനടാങ്കിൻറെ നടുവിലെ പാനലിലും പിൻ അലോയിലും ചുവപ്പ് നിറം എത്തുമ്പോൾ മുന്നിലെ അലോയ് കറുപ്പ് തന്നെയാണ് നൽകിയിരിക്കുന്നത്. സീറ്റും ചുവപ്പ് കറുപ്പ് കോമ്പിനേഷനിൽ തന്നെ. അഡ്ജസ്റ്റ് ചെയ്യാവുന്ന ബ്രേക്ക്, ക്ലച്ച് ലിവർ എന്നിവയും പുതിയ എഡിഷനുകളിലും നിലനിർത്തിയപ്പോൾ  

അടുത്ത മാറ്റം എത്തുന്നത് എക്സ്ഹൌസ്റ്റിലാണ് ബുൾപപ്പ് മെഷീൻ ഗണുകളുടെ ഡിസൈനിൽ നിന്ന് പ്രജോദനം ഉൾകൊണ്ട് എത്തുന്ന പുതിയ എക്സ്ഹൌസ്റ്റിന് ” ബുൾപപ്പ്”  എന്ന് തന്നെയാണ് പേരിട്ടിരിക്കുന്നത്. എന്നാൽ  പഴയ എക്സ്ഹൌസ്റ്റിനെക്കാളും  തടി കാഴ്ചയിൽ കൂടുമെങ്കിലും കണക്കിൽ  1 കെജി ഭാരക്കുറവുണ്ട് ഈ പുതിയ ഭാഗത്തിന്. ഈ എക്സ്ഹൌസ്റ്റ് മറ്റ് 160 4 വി വാരിയന്റിലും 200 നിരയിലും പ്രതീഷിക്കാം.  

എൻജിൻ അതേ 159.7 സിസി, ഓയിൽ / എയർ കൂൾഡ് എൻജിന് കരുത്ത് 17.55 എച്ച് പി യും , 14.73 എൻ എം തന്നെ. ബ്രേക്കിംഗ്, സസ്പെൻഷൻ, ടയർ എന്നിവ പഴയത് തന്നെ തുടരുമ്പോൾ വിലയിലും മാറ്റമില്ല. 1.3 ലക്ഷം രൂപയാണ് ഇവൻറെ എക്സ് ഷോറൂം വില വരുന്നത്.

Leave a comment

Leave a Reply

Your email address will not be published. Required fields are marked *

Related Articles

സി എഫ് മോട്ടോയുടെ മിനി കഫേ റൈസർ

യൂറോപ്പിൽ ഇപ്പോൾ 125 സിസി നിരയിൽ ചൈനീസ് മോഡലുകളുടെ വലിയ കടന്ന് കയ്യറ്റം നടന്ന് കൊണ്ടിരിക്കുകയാണ്...

കുഞ്ഞൻ അപ്രിലിയ ട്വിൻ സിലിണ്ടറോ ???

വളരെ കാലത്തെ കാത്തിരിപ്പിന് ഒടുവിലാണ് അപ്രിലിയ തങ്ങളുടെ സ്പോർട്സ് ബൈക്ക് പരീക്ഷണ ഓട്ടം നടത്തുന്നത്. ഇന്ത്യൻ...

ചിലരുടെ വില്പന അവസാനിപ്പിക്കും

മൂന്നാമത്തെ എപ്പിസോഡിൽ ആദ്യം എത്തുന്നത് പിയാജിയോയുടെ അടുത്തേക്കാണ്. ആദ്യ എപ്പിസോഡിൽ ബജാജിൻറെ കുടുംബം പോലെ കുറച്ചു...

ചിലർ ഉടൻ തന്നെ പടിയിറങ്ങും

ബജാജ് കഴിഞ്ഞ് എത്തുന്നത് ഹീറോയുടെ അടുത്താണ്. വലിയ പാളിച്ചകൾ ഇല്ലാതെ പോകുന്ന ഹീറോ നിരയുടെ ഏറ്റവും...