ബജാജ് തങ്ങളുടെ ഇതിഹാസ താരത്തെ ഇന്ത്യയിൽ വീണ്ടും അവതരിപ്പിച്ചു. പൾസർ 220 യുടെ പകരക്കാരനായി പൾസർ 250 ട്വിൻസ് എത്തിയതിനെ തുടർന്നാണ് കഴിഞ്ഞ വർഷം വിപണിയിൽ നിന്ന് ഇവൻ പിൻവാങ്ങുന്നത്. വലിയ വില്പനയുണ്ടായിരുന്ന 220 യുടെ പകരക്കാർക്ക് ആ വില്പന നേടാൻ സാധിച്ചില്ല. അതിനെ തുടർന്നാണ് 220 യുടെ തിരിച്ചു വരവ്. 10 മാസങ്ങൾക്ക് ശേഷം തിരിച്ചു വരുന്ന ഇവൻറെ മാറ്റങ്ങൾ എന്തൊക്കെ എന്ന് നോക്കാം.
ഡിസൈനിൽ ഒരു മാറ്റവുമില്ല. അതേ സെമി ഫയറിങ്ങോട് കൂടിയ പ്രൊജക്ടർ ഹെഡ്‍ലൈറ്റ്, ക്ലിപ്പ് ഓൺ ഹാൻഡിൽ ബാർ, സ്പ്ലിറ്റ് സീറ്റ് എന്നിവ തുടരുമ്പോൾ. ഗ്രാഫിക്സ് പൾസർ 125 ൽ കണ്ടത് പോലെ കാർബൺ ഫിനിഷിലാണ് സ്റ്റിക്കറുകളുടെ വരവ്. ഷെയ്‌ഡുകൾ പഴയത് പോലെ തന്നെ.
ഒപ്പം എൻജിൻ ബി എസ് 6 ൽ നിന്ന് ബി എസ് 6.2 വിലേക്ക് അപ്ഡേറ്റ് ചെയ്തിട്ടുണ്ട്. എന്നാൽ എൻജിൻ അതേ 220 സിസി, ഓയിൽ കൂൾഡ് എൻജിൻറെ കരുത്ത് 8500 ആർ പി എമ്മിൽ 20.9 എച്ച് പി യാണ്. ടോർക് 7000 ആർ പി എമ്മിൽ 18.5 എൻ എം. 5 സ്പീഡ് ട്രാൻസ്‌മിഷനാണ് കരുത്ത് ടയറിൽ എത്തിക്കുന്നത്. ഇരട്ട ഡിസ്ക് ബ്രേക്കുകളുള്ള ഇവന് സിംഗിൾ ചാനൽ എ ബി എസ് ആണ് നൽകിയിരിക്കുന്നത്.
അടുത്ത പ്രധാന മാറ്റം വന്നിരിക്കുന്നത് വിലയിലാണ്. ഏകദേശം 4000 രൂപയോളം വർദ്ധിച്ച്‌ 139, 686 രൂപയാണ് ഇപ്പോഴത്തെ എക്സ് ഷോറൂം വില. ഈ മാസം അവസാനത്തോടെ 220 എഫ് വിപണിയിൽ എത്തും. എൻ 250 സിംഗിൾ ചാനൽ എ ബി എസിനേക്കാളും 1000 രൂപ കുറവാണ് പുതിയ 220 എഫിന്. 250 ട്വിൻസിന് ഡ്യൂവൽ ചാനൽ എ ബി എസിന് വില 1.5 ലക്ഷവുമാണ്.
Leave a comment